........ ........ .........
ياصاحبي بابك على طول مفتوح
وايدك تصافح من يسلم وياجيك
اموت في حبك ويضنيني البوح
ونسعى ندور في رضاكم ونشريك
ماتدري انك مثل الانفاس والروح
وابوح باسمك بالقصايد واغنيك
وماتدري انك عود وبخوره يفوح
والكل في حضرتك يرجي ويعنيك
انت الدواء تبري مصوب ومجروح
ياليتني قلبك وروحك وراعيك
اجيك تكفى قل هلا بك ومسموح
واوعدك خطواتي على الدرب تمشيك
الصدق فاق الوصف عن كل ممدوح
والمنهج اللي يرفع اسمك ويغليك