قصيده لأخي ابو حسام عند سفره للشرقيه في ٦ / ٦ /١٤٤١
يابو حسام ارسل اشواقي وقبلة جبين
وبيوت شعري على الأوزان والقافيه
ياللي مقامك ونجم سهيل متجاورين
وغلاك ومكانتك في القلب متساويه
انا حزامك وربطة معصمك واليمين
وانا لك الظل عن شمس السماء الصافيه
لاتشغل البال لو مالت ظروف السنين
اسند وضحكتك تبقى بالهناء باديه
لا غبت نسأل وفي نفسي يزيد الحنين
وحولي الارض ومن الناس هي خاليه
واصيح واقول اخوي اللي بعيني مكين
والله ماغيركم في المنزله العاليه
ياخوي يفداك روحي وانت شيً ثمين
وجعل الايام فيها الخير والعافيه
يحميك ربي من الحساد والكايدين
ويجنبك عن نوايب وقتنا الخافيه