طيش .. وسنين... وأنين
وانبلاجة صبح سافر
وجوّ.. ماطر
بايعة فلٍ وكادي
باح منها الهمس باشفاقه تنادي!
وين غادي..؟!
شوف عصفور الأمل بالحب جاني
يلتحف صبحه أماني
يوم شمّ الفلّ غنّى .. ما تونّى
أغنيه..أحلى من كل الأغاني
باختصر بيني وبينك...
مابقى سرٍ من أسرار الهوى ...
إلّا وباحه
____
شوف شلّال الجبل لاجلك يغنّي
متماااااايل ...متهنّي..!
شدو خاطر...ما يكابر
ما يملّ إلّا مرايا خِل عابر..!
وانت لوما جيت خاسر
ما يلدّ لعشق ثاني..من ثواني
قام يطربني أغاني
ليه ياعطر الأماكن ..ليه ساكن..؟!
————
طاحت الذكرى من الشرفه خريف
وبلّ كمّه من دموعه..يالطيف..!
شاعرك طوّل وقوفه..تحكمه تدري ظروفه..
شي يالصاحب على مرّ الندى ماظنّ شيف..
يالطيف..!
ماقدر ينسى سنينٍ ماضيه..بس نفسه راضيه
القدر مكتوب تدري..سنّة الله ماضيه
قلب صابر..سلو خاطر
من حكاية صرخة المهد الحزينه
لين يارد للمقابر..شيخ صابر
مايكابر..!
____
يامدى كلّه غموض
باسألك ...إسمع سؤالي
لا تحاتي من مقالي أو خيالي
ليه هذا النجم حالف..إنّه يمعن ف الأفول..؟
كلّ ليل ولو يطول..ليه يختمها أفول..؟
ردّ بطباع المدى ..أسمعه مره حقيقه..
واسمع أحيان الصدى...
ردّ يسألني يقول:
ليش تغرب نجمة الصبح الجميلة..؟!!
عادةٍ متكررة في كل ليلة...!
لاتعب ليل وتثاوب..؟!
قلت: أنا أسألك...جاوب
يامدى بالله جااااااوب
ردّ باستهتار شايب... شبّ في روحي شبابب.!
ليش نجم الليل يمعن ف الأفول
الحكاية..باختصارٍ ولا يطول
الحكاية......
#بس_أقول
ليش تغرب نجمة الصبح
الجميلة
هيّه عاده كل ليله