..... .... .... .... ....
اليوم ذكرى لتأسيس الوطن والسلام
بالعقل والحكمه ارساه الامام الحكيم
سلام من يوم تأسيسه ليوم القيام
سلام لك يامحمد والنظام القويم
ارسيت كل القواعد لو يجيها عتام
تعود ماتقبل الا سيف حده صريم
حكمت واعطيت للدرعيه اكبر وسام
والكبوه ان صار كبوه مالحقها اللئيم
يفز تركي ويحكمها لسبعين عام
فيها المعاناة مابين الشقاء والنعيم
والكبوه الثانيه من فوق حد السنام
كبوه وميله تعود لخطها المستقيم
وبعدها لامع البرّاق بين الغمام
وصوت رعدٍ يهز المعتدي والغريم
في لحظة الاتحاد وصيحةٍ بالكلام
والكل يرفع كفوفه للعزيز الكريم
الملك لله ثم الملك والاستلام
عبدالعزيز الملك ماعاد غيره زعيم
واليوم قمه مع سلمان لا ما نضام
ومع محمد وهمة هيبتك ياعظيم
وحنا جنود الوطن مانعرف الانقسام
اشر وحنا كما ناراً سرت في الهشيم