بعض العرب في المجالس ليتها ماحكت
واقول ياليتني سجلت عنها غياب
ماتسمع الا كلام الفحش والا النكت
فيها النميمه وزايد عندها الاغتياب
والكل شارك ولا منهم فهيم وسكت
ولا حسب حرمة الهرجه وخاف العقاب
ماعنده احساس لاقلبه وعينه بكت
والعمر ولّى وراحت قوته والشباب
ولازال مغرور والدنيا ي كم اهلكت
ضيع دروب السلامه والهناء والصواب
والناس من فعلته دايم عليه اضحكت
ويحسب انه من الضحكه وصل للسحاب
حتى القوافل من اللي تسمعه ابركت
غابه وفيها السباع من الاسد للذئاب
وطالب الشر كل الناس منه اشتكت
وش مكسبه يوم بيهلّوا عليه التراب
دنياه لو طولت غصباً عليه أوشكت
يطرد وراها ويدري كل طرده سراب
.….. راضي بن قراح ......