الله يالفرحه وانا اعايد الناس
ومصافحتهم كم تعانق شجوني
حنا اجتمعنا في صفا حب واحساس
وتبان في وجهي ونظرة عيوني
ماعاد يشغلني طواري وهوجاس
ولاعاد انا افكر ولا اتبع ضنوني
ولاعاد باشغل خاطري واشغل الراس
واليوم بنسى ليش زود الطعوني
اضحك واسولف واترك الهم والياس
بطرب وبامول لك اجمل لحوني
والله يجنبنا الصواديف والباس
وتنام عيني والصعايب تهوني
العيد هذا يوم مبني على ساس
مثل الشجر فيه الثمر بالغصوني
غالي غلاه اكثر من الدر والماس
م اخترت غير القاه لو خيروني