قالوا وصلتوا اليوم خمسين
قلت بكفاح وحق مشروع
مادام فينا اللي ميامين
حكامنا لي ندّر النوع
حافظ عليهم دوم وافين
ولهم ذكر ينظر ومسموع
هم أسسوا دوله حثيثين
بعزوم تدعي الياس مصروع
يوم السميح يضم الاثنين
زايد وراشد ضم الضلوع
قالوا نبى الوحده مجدين
فيها ازدهار وأمن متبوع
دار الضيافه قالت الحين
ياموطني لك رمز مرفوع
فاثنين ديسمبر ملبين
ومن الفرح تتناثر دموع
من واحد وسبعين للحين
منا العطاء يتفرع فروع
وأكبر دلاله فالتبياين
نَص اليونيسكو ياك مطبوع