قصيده لأخي وتاج راسي ابو ماجد اثر المرض الذي الم به في ٨ / ٦ / ١٤٤١
.....
ياخوي هاك ايدي وقم لاعدمناك
ياتاج راسي واليدين الحنونه
ليت المرض ماجاء وليته تعداك
ويغيب عن عمرك وتبعد سنينه
ليته يروح وبعدها دوم ينساك
والجسم يخلى من مواجع طعونه
ليته على من يكره اسمك ولا جاك
وليته يموت وليت تبلى عيونه
ونطلب اللي قدر الحب واغلاك
يشفيك ويهد المرض من حصونه
ويبتل عرقاً يرتوي بعد ماضماك
ويعود عذب الماء وصافي مزونه
وتزور بستاناً زرعته بيمناك
والارض تزهر ورد زانت غصونه
والحمد لله ربي اليوم شافاك
دامك تزيد الذكر بينك وبينه