مزون الغلا
يا صباحٍ مشرقٍ شوق وحنين
وياغرام ٍ مستكن باقصى الخفوق
ويا لهيب الحب بايام وسنين
في الليالي الماضيه مثل الشروق
الله اكبر كيف عمري مايبين
كِن لحظاته على الخاطر تفوق
كل ما اذكر ساعة احساسي تجين
في خيالي مثل نسماتك طروق
لحن وصلك في محياكِ الحسين
عطَّر انفاسي ويسقي لي العروق
يا غيوم وبرقها حِسَّه دفين
كِن هتَّان الغلا برده سبوق
ينسكب باقصى معاليق الضنين
ترتوي روحي وكِنَّه بي رفوق
ليتني باسلا ورعاده حزين
ليت يبهجني وياخذني شفوق
يمطر احساسي ويطربني هجين
مرتزم باقصى الحنايا مايعوق
هلَّت مزون الغلا فوقي تبين
مثل دمعي لا انهمل وقت الشروق
عائض سعيد عايض آل شبيلي القرني
2025/5/18م
