.
.
تقول إني بعد روحك وأقول إنك ترا غلطان
مدام إني بعد روحك علامك ليه تهجرني
اشوفك عايشٍ حلمك وتاركني أنا حيران
احس انك تلذذ في بعادي يامعذبني
تهاوت قيمتي عندك ومات الحلم والامان
نهاية سكتي مدري في بعدك وين تاخذني
اعاني لوعة غيابك ويفرح فيني العدوان
تراك انت الوحيد اللي من احزاني يطلعني
اعيش بزحمة اشواقي واعيش الهم والحرمان
وش اللي تسفيده من عذابي يامحيرني
ابي اسمعها من قلبك اذا ناوي على الكتمان
ترى قلبك هو العشق الكبير اللي يجاوبني
واذا مطاوعك قلبك وصار لوصلنا شفقان
ابعتبره تغلي مامضى ياللي مكدرني
تعال وبدد الحزن الجديد وحطم الهجران
انا ماعيش من دونك حبيبي لاتفارقني
.
.