من لمعة البارق ومن صوت الرعود
ومن السحاب اللي على القمه سجد
ومن الحصون الشامخه وأرض الجدود
الديره اللي جوها برق ورعد
كتبت شعري من ورود ودهن عود
ورسمت لوحة من ضباب ومن برد
يا سيدي عبدالعزيز ابن سعود
وش ينصفك من شعر يا وجه السعد
جيت وتراحيب الغلا لجلك تزود
رحب حسام بن سعود بلا عدد
يامرحبا في بيت عز وبيت جود
اللي ولاه مورث من أب وجد
بيت المعارف والمراجل من عقود
بيت ال عصيدان المكان المعتمد
الأرض تفرش لك رياحين وورود
وارواحنا تنصب لك مثل الشهد
الداخليه في حمى الرب الودود
امن وامان ونحمد الفرد الصمد
ودامك على رأس الهرم نرقى سنود
وعدتنا بالأمن واوفيت الوعد
وعلمتنا معنى التفاني والصمود
والوقفة اللي ترجع الشايب ولد
وعلمتنا عن فن تنظيم الحشود
وإنك على كل المواقف مستعد
ياسيدي واطلبك قدام الوفود
انك توصّل حبنا لأبو فهد
القايد اللي حطم امال الحقود
والحازم اللي منه الأعدى ترتعد
يشهد له التاريخ والعالم شهود
انه حكم بالعدل وأوفى بالعهد
والله يمين أنا تحت حكمه جنود
والمملكة نفدي ثراها للابد
ومحمد اللي قال للماضي يعود
شبيه جده بالشجاعه والجهد
لما معزي حطم أغلال وقيود
حطم محمد روس والعالم هجد
وين الغرابه لو خذانا للصعود
ما دام هذا الشبل من ذاك الأسد
واحنا سعوديين في عين الحسود
نقرا القران ونتلو ايات الحسد
ياسيدي خذنا معك دون الحدود
وارواحنا وأولادنا دون البلد
وأقسم برب خالق كل الوجود
انا بخير وفي امان وفي سعد
مادام حكام البلاد ال السعود
ودستورنا من قل هو الله احد
لسماع القصيدة بصوت الشاعر:
AD864E9D-6F3A-4A7C-9982-77F0F6DA0F09
كلمات الشاعر : علي بن عيضه الزهراني
