أنا احْمَدْك يامن تعلّا سماه
وماحي فالكون كلّه كماه
وانا عبده اللي ذبل في رجاه
طلبتك في العفو يوم الرحيل
.....
ليا منّ عمري بلغ منتهاه
وحسّيت فالحلق طعم الحزاه
وكلّن بيلقى من الله جزاه
وعانيت من سكرة الموت حيل
.....
وجاني ملك ينزع الروح نزع
بقي لي رجا فيك مانيب جزع
لو إنّ الندم مازع القلب مزع
وجيتك بحملي وحملي ثقيل
.....
وماعاد فوق البصر من حجاب
وشفت الملايك ببيض الثياب
ومن يرحم العبد فالدِّين شاب
ليا صارت الشمس مقدار ميل
......
طلبتك في العفو لا جرّدوني
وغُسلت...من بعدها كفنوني
وفوق النعش أربعه يحملوني
وانا الضيف والله راع الجميل!
....
وصلّوا علي أربعٍ في عجل
قلوب الحبايب تفطّر وجل
وانا قادم أحمل ذنوب وخجل
وفالدار ما تسمع إلّا العويل..!
......
وفي منزل الحق هم نزّلوني
أقاموا دقايق وثمّ تركوني
وجوني ملايكة ربي سألوني
وانا طالبك حجّتي والدليل
.....
تثبّت في القول منطق لساني
وما مرّني وقت نزعي كفاني
بن آدم ولو عُمّر الدهر فاني
وهذي هي الوزنه اللي تكيل!!
.....
طلبتك بحق النبي الشفيع
ومن جاوروا روضته فالبقيع
وانا جيت تايب وعبدٍ مطيع
أنا طالبك شربة السلسبيل
......
وختم الكلام الصلاة النقيّه
على خاتم الرسل خير البريّه
نهار التنادي وما فيه زيّه
شفيع أمّته في نهارٍ طويل
.....