على الضفه بجسر السد
خطيت أول خطاي أمشي
بدا طيفك
وناديته ، ومديت لخيالك يد ..
تجي نرقص !
أنا وحدي ، حزين وميّت من البرد *
أنا ياعاشقي ماقد
رقصت التانقو من قبل ؟
ولكن سهل
اذا شديت انت ارخي
واذا ارخيت انت تشد …
–
–
تجي نرقص !
دعيتك، اقبل الدعوه
تعال اقرب تعال نعد
ونبدا واحد واثنين
ونرقص رقصه وثنتين
ونضحك ، والفرح يزرع
على اطراف الكراسي ورد ..
تعال الجسر ذا محروم
وانا محروم
وهذا الما جماهير”ن” حرمنا من لقاها “البعد” ..
ألا ليت لطيوفك عين
ألا ليت لطيوفك يد …
–
–
تجي نرقص !!
ونصبح شخص (واحد)
مانكون اثنين
واحد له
يدين اربع
واصابع في يده عشرين ..
وينبض في محانينا القريب الدافيه ” قلبين”
نصير أول بشر يِخلَقْ :
( بقلب أيمن وقلب أيسر )
ونتعانق
ونتناجى
ونتحاضن
ونتسامر ..
ترا الي يحب ما يخسر …
ونرقص لين ماتشرق على أبها
شمس أو شمسين ..
أحبك ما أعرف اش كثر
أحبك ما أعرف لوين !!
ألا ليت لطيوفك يد
ألا ليت لطيوفك عين …
تجي نرقص !!…
شعر – سحر الشهري
