لا لا حشى ما بعت عهدك وقفيت
موفي على وعدك وعندي وثايق
ما دست فيكم بالخطايا وزليت
ذكرك معي في كل ساعه ودقايق
وأنت على فراقي وبعدك تسليت
وانا على فرقاك قلبي .....حرايق
اسقيتني من كاس مرك وشديت
ودعيتني ما بين هم........وهايق
واطلب من المعبود لا قمت صليت
يبري هموم ن في حشى الروح عايق
يا زين حبك داخل القلب لك بيت
سيسان بيبانه موثق ......غلايق
اسمك ع شريان قلبي وخطيت
بالميم في نصفه على البال لايق
والختم صلوا عد ما طافوا البيت
عد النجوم واعداد ذيك الخلايق