يُمَّه فقدتك وانتِ النبض والروح
ودموع عيني في غيابك سحابه
فارقتي الدنيا وانا كلي جروح
ياكيف ابسلا والفرح في غيابه
يا جنة الدنيا ويا طاري النوح
ياعشق واغليته وانا في شبابه
قفت سنيني عقب موتك ومسفوح
جرحي عذاب ماضيٍ في مصابه
خمسة عشر عامٍ ويصلاني البوح
ما بين نفسي والليالي عتابه
قصرت في حقك وانا كلي جموح
ونسيت بِرِّك عقب ماهو طلابه
ليتك تعرفي شوق قلبٍ ومطروح
بين اللحود اللي توسد ترابه
ياجعل قبرك في رياضٍ ومبروح
مد النظر في جنة الخلد بابه
وانهار من كوثر ومن مثمر الدوح
ومن عسل والخمر يحلا شرابه
ويا جعل منزلتك اعالي من صروح
فردوس جناته ومسكن مهابه
عائض سعيد عايض آل شبيلي القرني
2025/5/2م
