جده كل العشق في أحلى فنونه
جده لا أكبر من العشق وجنونه
جده ( الإتي ) جده ( الأهلي )
جده أصحابي وأحبابي وأهلي
جده عمده وجده حاره وجده مزمار وتهاااااااااااااااااني
جده بشكاااااااااااااااات ومقاهي
جده جلسااااااااااااااات وملاهي
هي ليل العاشقين وهي درب الواثقين
جده ياشاطي ومينا
جده ياأحلى مدينا
ياعروسة بحر أحمر
إنت نافوره فمجمر
الحلا أبحر وفي أبحر روايه
تكتمل وسط البلد أجمل حكايه
كل حي وكل حاره
فيها تاريخ وحضاره
في شوارعها القديمه
تلقى للموروث قيمه
هي ليل العاشقين وهي درب الواثقين
أهلها طيبه وفوق الطيبه دوق وفن في حسن التعامل
شيبها ألفه وتسامح والشباب العز في بذل وتكامل
جده ياقصة وله يااحلى المشاعر
إنت غنوة كل مطرب وإنت سلوة كل شاعر
هي ليل العاشقين وهي درب الواثقين
جده فيها ملتقى كل الشباب
جده تفتح للمحبه ألف باب
هي للتاريخ عنوان وإذاعه
للولا والانتما سمعن وطاعه
مالها عندي شبه بين المدن في الجاذبيه
جده أول عشق في قلبي وفي نفسي الأبيه
هي ليل العاشقين وهي درب الواثقين
جده بحر وجده بر وجده جو وجده طير
جده مهما نالوا منها جده مهما قالوا عنها جده غير جده غير