تقابلت صدفة مع ضميري و قلت وقال
حكاية تبي ناس وسيعة مداركها
انا يا ضميري لي ليالي كسيف البال
مالي حيلة إلا كفي بكفي أفركها
يا ولد الحلال انهض تحرر من الأغلال
قبل لا تثور ألغامك اللي مشرَّكها
الأرض اللي ازرت لا تشيلك تشيل جبال
جبال الله اللي في المبارك مبركها
لها من خلقها الله على نفس ذا المنوال
ترى ما هو أنت اللي بكفك تحركها
تحارب و حرب الناس ماهيب لعب عيال
خاف الله و ريُح و استرح من معاركها
تعامل مع الناس بلباقة و طيبة فال
نظاف القلوب الله تعالى يباركها
تجي للفقارى كن جيبك ما فيه ريال
و تجلس مع التجار كنّك مشاركها
ترى الناس ملّت من نشازك عن الموال
ومن فبركات أفلامك اللي تفبركها
يا ولد الحلال اصبر تراها مهيب طوال
مصيرك تموت و غايتك ما انت مدركها
تجمّع شهادات و مناصب و روس أموال
و لا بد لك من يوم ترحل و تتركها
الشاعر عبدالواحد الزهراني