الحب جميل لكنه خطير.. طيب هو ليه خطير؟
خطير ﻷننا بنتنازل كثير، ونضحي كثير، ونسكت كثير عشان إللي بنحبهم، لكن مش شرط انهم بيحبونا بنفس الدرجة
بنحاول نخبي الأحاسيس اللي جوانا عشان ماحدش يضحك علينا، عشان نحميها مع أنها جميلة ومرتبطة بحياتنا وعمرنا اللي فات واللي جاي.
حتلاقي كثير مش حاسين بينا ولا بيها، حنلاقي إللي يتريق عليها وعلينا وحنلاقي إللي يلومنا ويظلمنا بسببها، فنخبيها أحسن.
وبالصدفة في حد تاني بيحبنا أوي لكننا مش حاسين بيه، أو مش قادرين نبادلهم نفس المشاعر فبيحسوا بالظلم.
الكلام عنها بيوجع أيوة ﻷنها كانت حلوة في ساعتها، كانت لذيذة وممتعة لكننا فقدناها بغض النظر عن السبب فأصبحت توجعنا كل مانيجي نتذكرها.
الناس مشغولة فعلا واحنا من الناس، الوقت سريع ومتطلبات الحياة زادت والحمل بقى ثقيل وبنحاول نلحق على كل حاجة ونسينا نفسنا والناس إللي حوالينا والحاجات إللي بنحبها أوي أوي
بنحوش الكلام الحلو أيوة ﻷننا قلناه في مرة وندمنا أوي، وبيوجعنا كل مانفتكر، روتين معلش بس بنلاقي فرصة نعيش فيها نفسنا ونحاول نستمتع بيها.
الناس مش كلها زينا ولابتفكر بطريقتنا، القلب الطيب، والصدق والإحساس. .
فيه الناس إللي بتكذب، والناس إللي مش بتحس أصلا، هي طينتها كدة ومش حابة تغير حاجة فبراحتها، احنا كويسين ونتمسك بالناس إللي نحس انها كويسة أو نرتاح معاها ونعيش الحياة بحلوها ومرها.
الفقير بيحس بالفقر طبعا وخصوصا لما يبص على حاجة غيره، ولما يحتاج حاجة ضرورة ومش بيلاقيها، والظلم منتشر ﻷن البعض نسي أنه فيه ربنا ومابيخافش من حاجة، وعلى فكرة..
أسوأ مشاعر على الإطلاق هي الفقر والظلم
اتغيرت الدنيا أو الناس مش فارقة المهم أن كل شيء اتغير، احنا بشر بس بنتكيف مع الحياة وجوانا حاجات حلوة مش لازم نساهم أبدا.
كلنا عرب ومسلمين ايوة، أيدينا مش متشابكة ﻷنه في حاجات تانية سرقت أفكر انا واهتماماتنا. . الغرور والقبلية المنتنة، الأنانية وكل واحد عايز نفسه هو الأفضل والأول، وادي انت قلتها
بالمشاعر الطيبة والأمل في بكرة وفينا احنا، ماتفكرش في الماضي كثير، اتعلمنا منه حاجات وقيم ومبادئ، دورنا نعيش الآن حاضرنا ونبني مستقبلنا مهما كانت الصورة مش مناسبة
وخلي بالك.. لما تزرع بذرة الشجرة بتاخذ وقت عشان تطرح..