الجــــو زان وزان ترتيــــب الاوزان
والشــــعر فالحــــكام له قابليــــه
يامرحبــــا عــــداد مايــــرفع اذان
وعداد وبــــل المزنـه العقربيــــه
يقولها ابن حميد فيصل والاعيان
وبقدومك عشيره تدق التحييييه
يامرحبــــا ياسيــــدي طير حوران
راع المكارم والكفــــوف النــــديه
يابدر ابن سلطــــان للجود سلطان
وشبحك بعيد ووقفتــــك مفصليه
شوفتــــك عيــد تسر له كل العيان
غير رمضــــان وغير عيــد الضحيه
ياذخر راع الجــود والخير سلطــان
محدن تنــــاسى كفه الحاتمــــــيه
كفن عطاياها مثــــــل غر الامــزان
همــــالها عم الديـــــــار السنــــيه
بسمه وتاريخــــه رجح كل ميــزان
له سيرتن لو غاب طاريه حيــــــه
هامة فخـــر تبقى على مر الازمان
عــــز وفخــــر للعزوه الفيصـــليه
رافع شعــــار الدين في كل ميدان
وانته شبيهه فالصفــــات وحليــه
يالله عسى الجنه لسلطان مسكان
وندعي له الرحمن صبح وعشيه
واليوم عهد الحزم في ضل سلمان
ماعنــــدنا فــــرقى ولا طايفيـــــه
سلمــــان سلمان العزم حد شامان
خادم حــــرم مكه ومســــجد نبيه
يبشــــربنا لاثــــار فالجــــو دخان
دون الوطــــن نارد حياض المنيه
والله يديم العز في خيــــر الاوطان
ويعــــز سلمــــان الحزم والحميه
وولي عهده سيرته شانها شان
الله عطاه الهيبه العالميه