لو طلبت منك ترسم ملامح وجودك !
على أي أرض ..
تنتهي حدودك؟
عايش حر نفسك ..والا العادات قيودك ؟
تعرف أصلك ؟ وفصلك !وتاريخ جدودك؟
والا متنكر! وبتفكر تكون مشهور ؟
و مؤثر ؟
طيب !!..
اسألك تعرفني؟ تقدر برسمك توصفني؟
*أنا مين؟؟ وأنت مين*؟
هل لنا تعريف؟!
إيش اللي بيعرفنا؟ا إيش اللي بيحدد وجودنا .. ويوصفنا؟
إسمنا ..! شكلنا..! شغلنا..! أهلنا!
وإلا أشياء ثانية .. مانعرفها
*تخيل*! إنك نمت وصحيت لقيت نفسك في إجازة !!
ولو اختفت وظيفتك!..
حيكون لوجودك عازة ؟!
*إيش اللي باقي منك* ؟
..عائلتك !؟
زوجتك!
اولادك ! ..
أمك.. أبوك... أخواتك،
سافروا ..في إجازة .!!
صرت لوحدك ..حيكون لوجودك عازة؟!
*إيش اللي باقي منك* ؟؟
أصحابك ..
جيرانك ..
زملائك
مو حاس معاهم بسعادة !!
باقي.. إنتَ زي ما إنتَ .. حيكون لوجودك عازة؟!
*طيب إنتَ مين* ؟!
أحمد..
حسن ..
مها ..
نورا
بس دا إسمك ..ما يعبر عنك
أنا إبن فلان ..برضه.. مين انت؟
دكتور..
مهندس..
مدرس ..
طالب
بس دي مجرد وظيفة ..مين إنتَ؟
عريض..ابيض ...طويل ..
ترى دا شكلك ...مو إنتَ؟
أنا إنسان ..
تعرف معناها؟
*أنا مو عارفني أنا مو أنا*
أنا مين؟؟ وأنت مين ؟!
إيش اللي بيعرفنا؟؟ا
*إيش اللي بيحدد وجودنا ؟! ويوصفنا*؟
نحن أعمق بكثير من مجرد
الوظيفة ..الأهل..الأصدقاء ..الشكل
لكن أثرنا عليهم وفيهم ...هو اللي بيعرفنا
ويرسم ملامح وجودنا
ويخلي لنا معنى
واتجاه وهدف ..
إحنا موجودين بالأثر اللي نؤثره على غيرنا.
في البصمة! التي نتركها ورآنا في الأماكن والأزمنة.
أنا ممكن أحس نفسي في كلماتي.. ومقالاتي.. وتغريدتني.. اللي بتحركك وتخليك تشوف حاجات جديدة ...
إنتَ..ممكن تحس بوجودك في عيون تفرح أول ما تشوفك ..
لأنك بالنسبة لها مصدر بهجة وسعادة..
ممكن تلاقي نفسك ..
في نظرة رضا من إبنك..
أو طالب يتعلم حاجه جديدة منك ويمارسها وتفتح له آفاق زيادة..
ممكن !! تكتشف معنى حياتك في بسمة على وجه زوجتك أو اختك..
لما تساعد في البيت على غير.. العادة
في أحد أثره بيكون كتاب..
أحد أثره يكون عمل فني..
أحد أثره بيكون ناس اتعلمت واتغيرت على يده..
إحنا مو بس أسمنا وشكلنا وشغلنا وأهلنا ..
إحنا كمان الأثر اللي نسيبه في الناس والأشياء والأماكن بعد مانتجرد من كل طبقات وجودونا المؤقتة.
صحيح مافي بني آدم كامل !!
لأننا نحتاج أن نكمل هذا النقص بالتعامل مع غيرنا،
نحنا نحتاج لبعضنا ..نحتاج لناس يأنسو بِينَا ..
ويحبون وجودنا..
ويُشعرونا بقيمتنا ..
لنكون إنسان
*إنتَ مين*؟!
5 comments
5 pings
Skip to comment form ↓
ماجد الحربي
04/11/2018 at 9:27 ص[3] Link to this comment
مقالة رائعة جسدت معنى العطاء بشكل جميل تسلسلت في السرد من الصورة النمطية التي يغلب عليها الأنا الى الصورة التي تريد الكاتبة ايصالها الى عقول الناس بأنها الصورة الجميلة ذات القبول والفائدة في المجتمع صورة العطاء والبذل في منفعة البشر..
عبدالله
04/11/2018 at 11:04 ص[3] Link to this comment
انت مش انت وانت جوعان. ?
نظرة فلسفية جيدة للإنسان تساعده على تحديد ملامح شخصيته إذا أحسن النظر لإنسانيته
حنان
04/11/2018 at 12:58 م[3] Link to this comment
ماشاء الله استاذه علويه رائعه و واقعيه جدا تسلم اناملك ?
نهلاء عبداللطيف
04/11/2018 at 1:24 م[3] Link to this comment
كلام جميل وواقعي لايبقي للانسان سوي الاثر الذي يتركه هذه البصمه التي تكون في قلوب البشر ولاتكتمل الا بالترابط مع الاخرين . الله يوفقك استاذه علويه علي هذا الكلام الجميل
ابوحنان
04/11/2018 at 6:34 م[3] Link to this comment
السلام عليكم ✋
جميل جدا أن يعرف الانسان من يكون، ومقدار هذه الكينونة.
شُكراً على كلماتك ?
تحياتي