ريحها سيبويه وصوتها داوودي
فيه بحه ورقه فيه لحن ونغم
لاسقى الله نادت خيها حمودي
إزهمت مرتين ورد سمي نعم
انذهلت ابمكاني وخذلني جهودي
واستبدت بنظره قلت صاب السهم
العبايه اسلامي والنقاب يهودي
فيه جرمن موكد والبري متهم
عود موزن تحرك مع ذعاذيع نودي
لوقسمته ثلاثه ينقسم ينقسم
في علوه على خدين باقة ورودي
من تحتهن فواكه والنحف والضخم
في تضاريس مابين السهل والنفودي
فيه بحر الخليج وفيه قمة هرم
أدبرت كن رجلها حبستها اليودي
واقبلت قلت بسم الله تمشي سلم
ووقفت وسألتني والكلام محدودي
كلمتين بفصاحه ثم اشارت بكم
قالت وشبه اتمتم قلت انا ووجودي
عد ماناح ورقا من حمام الحرم
قالت انا عرفتك انت شاعر سعودي
انت شاعر مفوه قلت شاعر علم
قلت اكتب قصيدة بحرف اسمي مودي
قالت بسم الله ابدا والورق والقلم
قالت الا سم وقفت قبل اكمل ردودي
وادبرت وانا أردد والنعم والنعم
الشاعر : عبد العزيز شلاش العنزي