البيت بيت الله والدار دارك
يابو فهد حنا على العهد في الدار
صدر بكيفك ياملكنا قرارك
من راس ماتحنيه إلا لقهار
ربك ولا غيره وحزمك شعارك
والعزم لك مبدا ومنهاج وشعار
يا سيدي من يمنتك لايسارك
حنا رجالك ما نبالي بالاخطار
سلمان إنت اللول واحنا محارك
أرواحنا تفداك لو صار ماصار
ارمي بنا واحنا فدا في بحارك
واطلق صقور الجو لاهب اعصار
وآمر جنودك لانتخى يوم جارك
والا على جارن طغى غر أو جار
الأمر أمرك والوطن رهن شارك
إن قلت شرق وغرب ويمين ويسار
لبيك يا محمد ومااحلى اختيارك
عز الله إنه سيدي جاد واختار
ولي عهد المملكه شب نارك
خلي العدا تصلى على شبة النار
خلي الضيوف اللي لفت في ديارك
تاكل على الشبه ولا يوم تحتار
لك رؤيتن أحلى واغلى ثمارك
رفعت قيمة دارنا بين الاقطار
الكل يا قلب الوطن في انتظارك
والكل للرؤيه قلوبن وانظار
آمر وحنا صف نتبع مسارك
ندك حصن الشر ونبيد الاشرار
ياموطني ياللي يرفرف شعارك
نخله وبتارن على حد بتار
كتبت لك ياموطني في جدارك
اهواك احبك جو وبرور وبحار
اهواك صحرا واقتفي حب ثارك
وآموت في عشقك لياجات امطار
واعزف لك الالحان وانشد حوارك
وآفز وآغني على دقة الطار
لبيك ياحد الوطن في نهارك
نهار فيه النثر يحلى والاشعار
والليل دق اخشوم والنار نارك
ماللأعادي لا شريعه ولا دار
ومن أنزل الرحمان وانزل تبارك
يالحد مادونك سوى مدفع ونار
حنا شهد للي طلب واستشارك
والسم حنا للذي خان أو بار
حنا الولا والانتما وانتصارك
حنا اعتزاز ابدين وبشرع جبار
وإن جات ذكرى الكل هنا وبارك
بيعة ولا فاعناقنا سر وجهار
والكل يااطهر دار لبى وشارك
واهداك روح ومال واولاد واعمار
يموت غيظ ويكتوي جمر نارك
من هو يعادي قادة الحق والدار
القنفدة غادة الساحل الغربي