تدري بأن المسألة وقت وأنساك
وأدري بأني ميتٍ ما نسيتك
المشكلة ماهي بنسيك وطرياك
المشكلة لامن بـ دربي لقيتك
يا هل ترى أقدر أعديّك وأجفاك
وتمّر قدامي وأنا ما دريتك
وإلا بينبت داخلي من ملاقاك
غصة جديدة ليتك تشوف ليتك
يمكن غروري ما يهزّه مجيّاك
بس الحقيقة من دواخلي جيتك
قلبي يبيك وعزة النفس تأباك
وأحترت بين أجمعك وإلا رميتك
إلا أنت لا مريت وش هي سواياك
لك قلب يكفخ شوق لامن لفيتك
وإلا على ما قيل سهله بلياك
دنيا المِخَلّص بعت وإلا شريتك
الهجر موعدنا ولا بـ أترجاك
يكفي نشف ريقي كثر ما رجيتك
أنساك صعبة !! بس كبر آتناساك
تبغى الوكاد . أهيم لامن طريتك
أكبر مصيبه لو تعودت فرقاك
بـ أموت غبنٍ وأحسب إني كويتك
فيني بحور الشوق تضمأ للاماك
يا كيف بـ أرويها وأنا ما رويتك
لوني نسيت الكون أجرام وأفلاك
وأنسى حياتي ما نسيتك فديتك