قصيدة مهداه
لعضو مجلس الامه الكويتي
النائب /سعدون حماد العتيبي
هذا اللي علومه ترفع الرأس ياحماد
تنومس به وقبلك تنومس به عتيبه
كبير الهقاوي طايل اليد بعيد الماد
واذا طبت مايستغرب الطيب من طيبه
سمعنا عن اللي تعب بمدحه القصاد
ابو مرحبا اللي ماتغلق تراحيبه
وابو مدتن تغني بلاد وتعز بلاد
تقول العطا من جيب غيره مهو جيبه
ياسعدون وش خليت من طيب للأحفاد
بعدك الكرم والجود تصعب مطاليبه
ورثت الوفا ماجاك صدفه بلا ميعاد
من اهل الوفى والجود والصيت والهيبه
الانسان مايحيا بليا شراب وزاد
ويكفيه لامن جاع تمره من العيبه
وسعدون كبده غير عن باقي الاكباد
مايقطع طواها الا جميلن يماريبه
وقف للجمايل طايل الباع بالمرصاد
ونومس عياله بعد مانومس عتيبه